مساعدة ذكية بترد على مرضى عيادتك على الواتساب، ليل نهار.

لا. فريق بأمرك بيفتحلك الحساب، وإنت بتربط الواتساب من تلفونك بكود ربط أو QR، وبتكتب أطباءك وأنواع المواعيد وأوقات الدوام وأسئلة الاستمارة. وجوّا التطبيق في جولة بتشرحلك كل صفحة، وإذا علقت بشي، شام أو الفريق بيساعدوك خطوة بخطوة.

لا، أبداً. ما بتشخّص، ما بتنصح، وما بتوصف دوا. أي سؤال طبي بتقلّ للمريض إن الدكتور هو اللي بيقرر، وبتحوّل المحادثة إلك مع تنبيه على الواتساب. شغلتها ترد على الأسئلة العامة، تحجز المواعيد، وتاخد الاستمارة.

بتحوّل المحادثة إلك فوراً كحالة مستعجلة، وبيوصلك تنبيه على الواتساب. وإذا ما حدا من العيادة ردّ على المريض خلال 10 دقايق، بتنصحو بلطف يروح عالمشفى. وبالحالات الخطيرة كتير (ما عم يقدر يتنفّس مثلاً) بتنصحو فوراً. وإذا ذكر المريض عرَض كسبب للزيارة العادية، بتكمّل الحجز عادي وبيوصلك السبب بالاستمارة.

كل عيادة إلها حسابها ومعلوماتها لحالها، وبيدخل عليه بس صاحب الحساب. والمساعدة ما بتحكي عن مريض لمريض تاني، ولا بتعطي معلومات حدا لغيره. والأجوبة بتطلع بس عالموعد بالتقويم تبعك.

أكيد. بتستلم أي محادثة بأي وقت، من التطبيق أو من تلفونك مباشرة، والمساعدة بتسكت مع هالمريض. ولما بدك، بترجّعلها المحادثة بكبسة.

احكي مع شام على الواتساب، وفريق بأمرك بيتواصل معك ليفتحلك الحساب. بعدها بتربط رقم العيادة من التلفون، وبتضيف أطباءك وأنواع المواعيد وأوقاتك وأسئلة الاستمارة. وقبل هيك فيك تتفرّج على العيادة التجريبية وتشوف كيف بيشتغل كل شي.

أول 14 يوم ببلاش على حسابك الحقيقي. بعدها الدفع شهري ومباشر مع فريق بأمرك: $25 بالشهر لحد 31 كانون الأول 2026 (عرض الإطلاق، وبعدها $50 بالشهر) مع المساعدة الذكية، وكل رقم إضافي $10. منتفق معك على طريقة الدفع لما نجهّز حسابك.

إيه. التطبيق خفيف ومعمول للنت البطيء. والرسائل والردود بتنبعت من عنا كجهاز مرتبط بواتساب، فبتمشي حتى لو تلفونك مسكّر أو النت عندك ضعيف. بس خلّي تلفونك يتصل بالنت مرة كل كم يوم، لأن واتساب بيفصل الأجهزة المرتبطة إذا غاب التلفون فترة طويلة.